مرحبا فيكم ..
راح أقول لكن علي طريقه روعه
من يوم ما جربتها وأنا ما أقلي البطاطس غير بهالطريقه
لأنها النتيجه تكون مثل المطاعم في اللون والطراوه من الداخل وفي الطعم أيضاً
تجيبوا البطاطا وتقشروها طبعا و تقطعوها أصابع
وبعدين أثناء التقطيع بتكونوا حاطين قدر به ماء و مقدار مناسب من الملح على النار
بس تخلصوا تقطيع بتكون المياه بتغلى وتزيدوا مع الماء خل أيضاً ولكن ليس قبل الغليان
يعني بس تغلي المويه تزيدوها مقدار ربع كوب من الخل
وتضيفوا البطاطس وتتركوها تاخذ غلوتين مع الماء والملح والخل
لمدة خمس دقائق
بعدين بتصفوها من الماء و تسخنوا الزيت وتقلوا عادي
وراح تلاحظوا انها راح تاخذ وقت اطول شوي من العادي في الزيت
لكن لا تنتظروا حتى تأخذ لون أحمر ( العادي للون البطاطا المقليه بالبيت )
لا طلعوها وهي شبه صفراء
يعني لو تركتوها لتاخذ اللون الأحمر او الذهبي الداكن راح تطلع يابسه زياده عن اللازم
بس راح تجربوها وما تغيروا هالطريقه
وعلى فكره هالطريقه بتكون راااااائعه مع تقطيع البطاطس حلقات رقيقه جداً مثل منتجات الشيبسي
جربوا مع الحلقات الرقيقه لكن طبعاً مع تقليل مدة الغلي
وراح تحصلوا على طبق شيبسي ولا اروع
موضوع: اللي يبي البطاطس مثل بطاطس المطاعم؟؟ 
الأربعاء سبتمبر 03, 2008 7:47 pm
