........ مراااحب فيكـــــــــم ياشبااااااااب اللي يبي يعرف هو من اي مديــــنه او اذا يبــــــــــــي يشوف المدينـــــــه اللي تناسبه...وشبـــــــابهم ينفعون له او لا..يقرا ذاالموضوع ويحـــــــدد..........
.
.
.
.
أهلا وسهلا بكم في هذه الجولة السياحية في ربوع شباب السعودية
شباب مكة
معروفين بالمشاكل والمضاربات ..
ومن شروط المضاربه لديهم أنه يكون لديك ساطور أو سكين ..
وياويلك اذا دخلت حارة وعملت مشكله مع اي واحد منهم ..
صدقني وقتها راح ينزل لك منتخب كامل زي منتخب نيجيريا .
بس للأمانة فهم شباب دمهم خفيف مبسوطين دائماً ..
ما يعترفو بكلمة ما اقدر.. يعني لو قلت لاي واحد منهم هيا بنا نمرح ... يقولك : 'اوف كوررس' وفي رواية 'قدام' ويسمى الشاب منهم مكاوي وجمع المذكر السالم 'مكاويين'
ومن العبارات الشائعة لديهم مثل ....
'ودين صلاة امي'
'ياواد سيب الهيامه'
'استنا شويه '
'دحينا اهرجوووو'
'مكة حقنا'
ويا حبهم للفلسفه ..
في كل شي عارفين .. وما فيه احد تسآله ويقولك ما اعرف
إهتمامات البعض منهم منصبه على كرة القدم مع انه ماادري فين يلعبوها كل الدنيا عندهم جبال .. الترفيع بدباب
شباب الطائف
سهل التعرف عليهم بدون الحاجه إلى معامل مخبرية او تشريح .. راح تعرفهم من طريقة لبسهم للطاقيه ...
من شروط اختيار الطاقية المناسبة : أن يكون إرتفاعها 150سنتيمتر وعرضها 5 سنتيمتر لما تمشي بينهم تحس انك ماشي بين ناطحات سحاب مو بشر ... ويرتدون طواقي مشاء الله عليهم ... دائماً تجد فيهم النشاط والحيويه لدرجة انهم مايناموا في الليل وعندهم منطقة مشهوره على نطاق دول الخليج الا وهي 'الحوية'
ويتصف شباب الطائف بأنه البعض منهم عدواني.. واذا مثلاً صادف انه عينك جات في عينه .. راح يتمدد صدره ويشمر عن ساعديه ويقولك :
خير !! ايش فيك تطالع ؟؟
احلام البعض منهم : التخرج من الثانوية العامة بتقدير جيد
ويشتري دباب اربع كفرات ويشتغل عليه
او يشتري قراندي موديل 88 ويسدح خشمها بالارض وهاتك تلميع في الكفرات والصدام بزيت فرامل ومن ثم التوجه الى 'منتزه الردف'
ويجب أن يكون بحوزته شريط لمزعل فرحان او فهد بن سعيد
نصيحة: إذا كنت مدرس في الطائف فخليك أخلاق واعطي درجات والا والله تنجلد في الصرفه
شباب جــدة
اهلا وسهلاً باحلى ناس
ذول عاد ماعليهم غبار منتشر بين البعض منهم الكذب بصورة كبيرة ومخيفه .. حدثني احد الزملاء قائلاً 'اسكت يافلان امس رقمت خمسة بنات ورا بعض'
ويجيد شباب جدة فن التعامل بلغة الأصابع و التخاطب بالإشارات وخاصةً عند إشارات المرور والترقيم بالمعاريض
ومن الضروريات في حياتهم ؛ لازم تكون مشبك بنات وتلعب بلوت والا راح تعتبر شاب متخلف وعقليتك لا تتواكب وتتماشى مع متطلبات العصر
وينتشر بينهم الخدم في كل بقعه في كل شبر في كل حفرة في كل
شارع في كل شاليه ..
وفيه بعض الشباب حاط على صدره 10 كيلو سلاسل على باله راح يطلع صدام جيمس ... وبعضهم يلبس اقمصه عليها شعارات واحرف غريبه وهوا والله مو داري ايش معناها ... وبعضهم مشيته زي امينيم
اما اهتماماتهم : الفشخره الكذابه
الطفش .. كل مااجلس مع احد منهم قال طفشان
تشجيع الاتحاد .
سرقة الايميلات المصلحه ...
يعني اذا ماكان معاك فلوس .. والا ما عندك شقة خاصة فيك والا منته مستأجر كبينه فمحد راح يعطيك وجه ..
(( مطاردة البنات ))
اما ذي النقطة فهم مبدعين فيها.... عمى في شكلهم يشموا ريحة البنت مع السواق من على بعد 40 كيلومتر
بس ترى هذولي الشباب اما البنات عاد فما عليهم كلام
احلى بنات الكون ذيك العباية المخصرة وطاقة اللثمة ولا مسوية ملكي ولا حاطة طرحة شفاف وفاتحه العباية من تحت تستعرض بالجنز .. وهاتك الشباب يجرون وراهم
شباب بحره
كل الترفية .. كل الإثارة .. كل الأكشن .. كل الأسلحة لدى شباب بحره
<< طيب ياشوتايم >>
البعض منهم اذا طفش مره قام بعملية قنص لعيال الحارة بالرشاش .... وإذا كان مزكم ومريض يتسلا مع اهله بالشوزن في البيت ولاحظت في الاونة الاخيرة انحراف بدرجة 360 حسب مقياس (روح اختار)
في تصرف بعض الشباب اللي صاروا يستمعوا لاغاني مايكل ..
'أبك ....ياويلي علاااااك يا ميكل بن جكسون' ... الله يرحم ايام عيسى
الاحسائي وحجاب
حتى كبار السن عندهم مصرقعين وخبلان راب وفانكي
عاد تخيل شايب يرقص فانكي عز الله راح فيها من اول هزه
شباب المدينة
مدري ليه شايفين نفسهم ..
يتكلم شويه وبعدين يقول .. انا من المديييييييييييييينة
على عيني وراسي من المدينة بس اعصابك
وعندهم قهوة مشهوره اسمها ابو ...
والله نسيت .. المهم انها ابو حاجه
لو ضربتك فيها لنسدحت صريعا ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم
شباب ينبع
بصراحه تخاف منهم ..
فعندهم ثقافة شباب الطائف ومكة وجدة بالاضافة الى ثقافتهم الخاصة والتي تعتبر غريبه .. فإذا كنت ماشي على رجلك في ينبع (ينبع كلها تلفها في خمسة دقائق) فراح تجد انه الكل يضرب لك بوري ويقولك هاه مشوار ....
نصيحة : انته مهدد بالطفش والأنحراف لو زرتهم .. واحسن حاجه اشتري بلاي ستيشن واجلس في البيت .. ولاتفكر تطلع مره
..........................................................
انشاء الله الموضوع عجبكم
لا احد يزعل
والجزء الثاني قريبا في الاسواق خخخخخخخخخخخخخخخخ
لا تحرمونا من ردودكم
موضوع: تعريف شامل لشاب السعودي على حسب المدينه 
الخميس سبتمبر 04, 2008 5:05 pm
..’‘
