.....ياعيــونــي....

المساهمات : 167 تاريخ التسجيل : 14/08/2008

خخخخخخخخخخخخخخخخخخخخخخخخخخخخخ Laughing

والله تووووحفه هـ الموضووع

يحكي وااقع تعييس

يالله استمتعوا بقرائته خخخخخخخخخخخخخخخخ geek

مع تحفظي على المضمون

بس عجبتني \
/
\
/

تنهد محمد بشدة و هو يقود السيارة و بجانبه زوجته .. وسألها : شفتي ذيك اللبنانية اللي في المحل وشلون تحاكي الرجال اللي معها؟؟
تهقينه رجلها ولا مخاوتيه؟؟

:الزوجه
إلا رجلها شايفته يوم يلبس الولد جزمته بعد ما قاس عليه البنطلون
:الزوج
تجاهل ملاحظتها بالنسبه للتلبيس و تسائل بغباء:

وشلون؟؟

وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي ؟
من شان خاطري جربه يا روح قلبي.

وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك

أولا :لو أقول لك ياحبيبي في المحل وطيت رجلي ..

ثانيا: الحريمه لابسه بنطلون جينز محكك ماشفت فيه أي بادرة شياكه

و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...مهوب مثلك أن كانك ذاك اليوم رايق و ذابحتك الرومانسية قلت إلى قضيتوا تراي واقف برا أحتريكم..

ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح أطلاقا..ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا...

حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا .)

إلا أن الشغلة فيها بجاحة شوي . لا والله مهوب شوي إلا ' بجاحة بلا حدود'

.* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هاذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟

* تبي زوجتك تحترمك وتغنج لك و تقول لك سم ولبيه و انت ردك عليها 'هها ؟؟بمعنى نعم ' أو وش هنا ؟؟

أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' !! ليش ؟؟ لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' سمي '

يا حليلك يالرجل ا السعودي عجيب وغريب و جرئ

*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي

*عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيفا و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )

ياشباب!! ' الشياب توو ليت ماعاد فيه أمل يتعدلون' ّّّّّّّّّأنا متاكدة أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .

الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا يأما حتى ترتقي لمستواك_ أو_ عشان ما تعرس.

ومثل ما يقولون الأمريكان ' إت تيكس تو '

ذكرت سالفة طريفة و هي سالفة النجدية ' أم علي' اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره .. و عندما سألوا أبو علي عن سبب التغيير المفاجئ ..أجاب :

بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه

ارجو من شبابنا يتدركون الوقت ولا يبخلون بلكلام الزين والنظاااافه
بسكم طماله وجلاااااافه

Admin المساهمات : 327 تاريخ التسجيل : 19/07/2008

هههههههههههههههههههههههه
يالبى قلبك ياانجل دايم مواضيعك بالصميم
....................................
تسلمين غلاتي

المساهمات : 167 تاريخ التسجيل : 14/08/2008

تسلميييييييييييين يالغاليه ع المرور
ربي مايحرمني من مرورك العسسسسسل

والله انك يا انجل توووووحفه
كلامك منطقي بس وين اللي يفهمون
والا ابو شطوب انا قيله لابوي من شروط
زواجي انك تسال عن شطوبه ننعنبو بليسهم
تقل سككين لا والا اذارجفتس ذيك الرجفه
يقولتس امزح الله يلعن المزح

بس
يا انجل مهب كلهم كذا البعض والله ودك انك تاكلينهم
من حلاة السنتهم وتصرفتهم مع زوجتهم وعياااالهم
تقولين ملاك بصورة بشر

بس
ما اقول الا الله يرزقنا الحنون والطيب من خلقه>>تسمع امه تدعيلهن

يسلموووو غلاتي لا خلا ولا عدم

المساهمات : 57 تاريخ التسجيل : 26/08/2008

من جد من جد شعب سعودي يقهررررر
حرام عليهم حنا محتاجين احد يدلعنا ويشوف وجيهنا
والقهر انهم يبون المره كامله مكمله والكامل وجهه سبحانه
الواحد يشوف نفسه قبل يتشرط ويتميلح والي يقهر اننا حنا البنيات الضعيفات من اول ماننخطب ونتملك مايردنا الا السوق نتحلس ونتملس كله على شان وجيههم وهم والله مافيه امل يسوون بدي كير يضبطون رجولهم .. ومع كذا اقول
من شــــــــــــــــــــــــــابــــــــــــــ هلى شئ شـــــــــــــــــــــــــــابــــــــــ عليه
شكرا انجل على الموضوع الحلو..

المساهمات : 14 تاريخ التسجيل : 11/08/2008 العمر : 35

ههههههههههههههههههههههههههههههه
موضوع رائع و واقعي جدا ،،
بس لاتلومونهم هم يحسون ان هذي
الرجوله وبعد أجواءنا أبد ماتساعدهم
على الرومانسيه وبعدين موبس السعوديين
أنا من وجهة نظري كل الخليجيين كذا
واذا طالبوا بهالشي من حقهم لانو لازم
البنت يكون فيها نعومه ورقه بكل شي
ومع كل الناس مو بس الزوج ،،،
وأنا أشوف لو كل وحده صارت تكشخ وتلبس
لو على شان نفسها مو على شانه هو بيستحي
ويسوي مثلها ،،،

مشكوره أختي
طرح جدا مميز ..